e Procurement

Na eProcurement, se na veivoli vakabisinisi ka caka ena veika vakalivalivai, sa vakayagataki ena vuqa na isoqosoqo me vakalailaitaka na isau ni veiqaravi ka vakalevutaka na rawaka. E gadrevi kina na vakayagataki ilavo levu, na tuvai matau ni veiqaravi, veiwaki kei na veisau ni veiliutaki, kei na nodra rai na kena dau ena raici vata kei na gauna ena rawati lesu mai kina na ilavo e vakayagataki oqo. Vakaraibailevu, na taucoko ni veimaliwai vinaka vakabisinisi e tara ena dua na i vakatagedegede cecere ni veivakabauti, ia ko ira era okati ena veivoli ena livaliva e gadrevi kina e dua tale na ivakarau: veitaqomaki. E vuqa na isoqosoqo era levea na ivakarau oqo baleta ni ra sega ni vakabauta na dina ni veiqaravi vakalivaliva baleta na veika dredre ni lawakicataki ni komupiuta kei na veidredre eso e yaco mai e ulabaleta na kena yaga.

Sa ka bibi kina na ivakarau vinaka (kei na vuqa na gauna, muri lewa vinaka) me vakayacori ni da cakacaka tiko ena taqomaki ni komupiuta kei na maroroi ni itukutuku. Kevaka e sega ni yaco oqo, ena rawa ni yaco na leqa levu kina na nomu isoqosoqo ka vakakina ko ira era veitarataravi e cake kei ira, eso tale era tu ena sala ni veivoli se cakacaka vakabisinisi.

Na dredre namaki

Na dina ni itukutuku oqori e dau vakayacori tikoga ena disparate, ka veisoliyaki kina na databases e kena ibalebale ni dua na veivakamalumalumutaki e rawa ni veisautaka na yalodina ni dua se ruarua na ilawalawa ena na kei na sinucodo taucoko.
Ena gauna e wasei kina na itukutuku ena imeli livaliva se ena initaneti, ena rawa ni yaco ena yasana ruarua na kena leqa kevaka me takosovi mai vei ira na tamata sega ni kilai – ka kauta mai na ilawaki, ivakatakilakila butakoci, butakoci ni kilaka, na yamata vuni, vakacaca, taurivaki vakatawadodonu, bikai ni ilavo, kabasu ni konitaraki se yali na irogorogo
Ena tubu cake tiko na rawarawa ni coroti ena gauna e toso kina na levu ni isoqosoqo era curu mai.

Na veivoli vakabisinisi ena livaliva taqomaki

E dua na tikina gadrevi ena vakayacori ni veivoli vakabisinisi ena livaliva sa ikoya na yavutaki ni veika vakomupiuta kaukauwa kei na taqomaki ni itukutuku ena loma ni nomui soqosoqo. E dodonu talega mo nanuma tiko ni ko ira na nomu dauvolivolitaki e rawa me ra taura se sega na itovo kei na ivakarau ni bula eso ki na iwasewase oqo ka dodonu mera dikevi vinaka sara ka me tiki ni iwalewale ni gugumatua, me kena ivakarau ni nodra curu mai na kasitama e dua na vevoli vakalivaliva vata kei iko.

Sa nomu itavi me vaka e dua na kasitama se dau volivolitaki mo vakadeitaka kina ni ko vakayacora na ivakatagedegede vinaka ni veitaqomaki ena ivakarau ni isasabai vakamisini, iwalewale kei na vakatovotovo kei na nodra itovo na tamata cakacaka.

E dodonu talega mo tauyavutaka ena gauna totolo ko curu kina ena dua na isema ni cakacaka vata, na kena tiko na ivakarau ni tataqomaki e gadrevi (kevaka e tiko e dua), ka duavata se veivosaki me vaka na nomu gagadre kei na ivakatagedegede, kei ira na nomu itokani ena ka semati vata ena bisinisi. O ira na itokani lelevu era na rawa ni kaukauwa ena veika e gadrevi vei ira, ia oqo ena rawa me duidui me vaka na kena levu kei na ituvaki ni nomu isoqosoqo kei na itavi e qarava ena isema vakabisinisi.

O na rawa beka ni rawata e dua na ivakatagedegede e dodonu – ka wasea vua na nomu itokani ena isema vakabisinisi se ena veivuke ni dua na daunivakasala mai taudaku. Na ivakasala sa vakarautaki tu ena vanua oqo e kena inaki me vukei iko mo vakadeitaka na veivanua me yadravi vinaka ka vakarautaka na itukutuku kei na ivakasala me baleta na veivanua oqori.