Me baleti ira na tamata yadua kei na bisinisi lalai, ko ira na iyaya oqo okati kina na itaba IP ka vakayagataki ena veitaqomaki, veivakayadravi kei na nodra raici na gone, na vanua ka lewa na ivurevure levu ni katakata, television kei na kato ni veivakamarautaki , ‘misini’ ni veivakamarautaki ni veiyaya lalai livaliva vuku (kato ni wai liliwa, ivakarau ni valenisili, cina waqa ga vakaikoya) ka sa toso cake tale tikoga na motoka. Ko ira kecega era sa vakayagataka tiko na initaneti me ra yavalati kina se tosoya cake na nodra gumatua, ena gauna gadrevi. E vuqa – e semati ki na Initaneti ena Wi-Fi router ena itikotiko se bisinisi, me rawa kina vei ira na nodra itaukei me qarava eso na nodra itavi ena vanua e tiko kina ena nodra talevoni veikauyaki se so tale na misini.
Me baleta na isoqosoqo lelevu, na buli ni iyauqaqa, na misini ni livaliva lelevu,, na grids ni iyauqaqa, na veika baleta na tiko bulabula kei na ivakarau ni veilakoyaki e toso cake tikoga me ra semati vata, ka sa vakarautaka e dua na isema 24/7 ki na manidia ni cakacaka, VAKAILESILESI iLIU, ena vanua cava ga era tiko kina e vuravura
Na Dredre Namaki
Ia, baleta ni iyaya oqo era semati ki na Initaneti, me vaka ga na komupiuta kei na misini veikauyaki era sa rawai rawarawa mai vei ira na dau vakacaca kei na vorolaka na parokamu. Ia na leqa e levu cake sara me vaka nira sega ni kila e vuqa na tamata ni rawa ni basuki ka vakacacani na nodra misini lalai oqo.
E vaka ni sega toka ni dua e vinakata me vakacacana na nomu kato ni wai liliwa. Ia, era sa tu eso na yaga levu ni kena raici butako na vei iyaya yadua kei na vakabisinisi mevaka na IP CCTV itaba ni basuki lawaki me vakaraici lo kina na cakacaka era cakava ko ira na kena itaukei kei na matavuvale, ena so na gauna vata kei na iyaloyalo yavala ka rawa ni vagolei vakadodonu yani ena initaneti me ra raica kece. Na leqa sai koya ena rawa niko na laurai toka vakawawa ena nomu itikotiko vakatawadodonu kei iratou na lewe ni nomu matavuvale.
Se sa nomu itaba se na nomu iyaya se bisinisi era sa laurai tiko, na kena taqomaki kei na maroroi ni nomu itikotiko, bisinisi, matavuvale, tamata cakacaka kei na kasitama era sa vakailoataki.
Taqomaki ni nomu ‘iyau’
Na veika kece ko semati kina e dodonu mo tuvalaka me sema ki na nomu yavutu livaliva, ka gadrevi kina e dua na vosanicuru, ka na levu sara na gauna e dau tuvanaki taumada ena volau ka caka mai kina. Keimami sa vakasalataka mo ni:
- Veisautaka na vosanicuru kina dua e dredre me vakacacani me kasere/vakasamataki ia e rawa ni ko nanuma. Maroroya na nomu vosanicuru. Wilika eke na ivakasala ni vosanicuru.
- Raica me sa taqomaki na nomu Wi-Fi ki na WPA2 ena veigauna kece ka sega ni vakatakila na ivakatakilakila ni curu ki na tamata kecega.
- Wilika ka vakavulici iko ena idusidusi ni dau bulika , vakabibi na nomu isema ki na Initaneti. Kevaka e sega ni matata e dua na ka, veitaratara kei na dau bulika.